AZL: Aizawl Two wheeler Taxi-te chuan State Transport Authority phalnain mipuite tana thil theihngilh leh mi tha lo tawn palha hnuchhui a awl zawk nan two wheeler khalhtute helmet hnung lamah ID number an tar dawn.
Aizawl Two-wheeler Taxi Association (ATTA) chuan thuchhuah siamin mipuite himna leh harsatna sutkianna tur atana thil tha nia an ngaih avangin two wheeler khalhtute helmet hnung lamah ID number an tar dawn tih an sawi.
ATTA chuan member-te bio data hi ATTA office lama an neih vek avangin passenger-ten rider number hi an chhinchhiah tawh chuan awlsam takin an inchhui chhuak zung zung thei dawn tih sawiin, mipuite pawhin two wheeler taxi an hmanin ATTA member hman nachang hre turin an ngen a ni.