Mizoram sorkarin Mizo țawng hmasawnna tur leh humhalh kawnga hma la tura a din, Mizo Language Development Bo- ard (MLDB) chu Zirt- awpni kalta khan a va- wikhatna atan an Chairman R. Lallianzuala hovin Directorate of School Education Co- mmittee Room, Trea- sury Square, Aizawlah an thukhawm.
MLDB Chairman chuan Mizo țawngin hma a sawn zelna tur leh awmze nei zawka humhalh a nih theih nana MLDB din a lo ni chu Mizoram leh Mizo mipuite tan a hlut thu a sawi a. “Hun lo kal zel tur atan mellung pawimawh leh chhinchhiah tlak tak Mizoram sorkarin a phun a ni,” a ti.
He Board din tura Mizoram sorkar hma- lakna hrang hrang te chhuanawm a tih thu pawh sawiin, “khaw- vel hmasawnna țhang chho zelah kan țawngin hma a sawn ve zel a ngai a, chumi rual chiah chuan nasa leh- zuala kan țawng humhalh tura hmalak a ngai” MLDB Chairman chuan a ti.
He țhutkhawmah hian MLDB member te bakah sawm bik (co-optd member) te an tel kal țha hle a. An thurel pawimawh zual zingah Mizo țaw- ngin hma a sawn zel theih nana tinzawn bik neia hma la tu tur sub committee hrang hra- ng siam te leh Mizo A AW B (Orthography) siam rem chungchang te, MINECO huamchhunga MLDB office hmun tur sorkar-a dil chungchang te a tel a. Tuna Mizo A AW B hman meka ‘NG’ awmna hmun chu tihdanglama, ‘N’ dawtah, ‘0’ hmaah awm se a tha em tih te an ngaihtuahho bawk.
Mizoram sorkar chuan September ni 29, 2023 ah Mizo La- nguage Development Board member tur te chu kum 3 chhung atan a ruat a. Chung te chu : Chairman : R. Lallianzuala, Cha- nmari, Aizawl; Secretary : Vanlalțanpuia, Bungkawn Veng, Ai- zawl; Members : Pr- of. R.L. Thanmawia, Ramhlun South, Aiza- wl; Prof. Rualkhuma Colney, Republic Ve- ngthlang, Aizawl; Ro- zama Chawngthu, Mi- ssion Vengthlang, Ai- zawl; H. Ngurthan- sanga, Mission Veng- thlang, Aizawl; Prof. Laltluangliana Khian- gte, Mission Veng, Aizawl; B. Lalhmun- liana, Bethlehem Ven- gthlang, Aizawl; Lal- zarzova Khiangte, Mission Veng, Aiza- wl te an ni a. MBSE Chairman; SCERT Director leh Art & Cu- lture Director te ex-officio member an ni.