Australia in chak tura rinkai leh a thlengtu India an barakhaih a, a vawi rukna atan Cricket World Cup-ah an champion.
Pathianni a India tantu mi nuai khat chuang hma a inkhelah Australia hian an khingpuite hi run 240 bak an siamtir lova. Ahmedabad a Narendra Modi Stadium ah over sarih hmang bang in wicket ruk in an chak.
- Duh thlang fuh
Thumvawrah Australia an vannei a, vawm hmasak an thlang. Ahmedabad a an inkhelhna pitch chu fast bowler te tana chet harsatna ni tura ngaih a ni a. Hei vang hian huaisen takin thutlukna an siam.
India hi tun tournament-ah chungnung taka chak tluang lai an ni a, an batsman-te an chetthat avangin vuak hmasak tir ngam awm loh tak an ni. Chutihrualin Australia in South Africa lakah semi-final ah target sang lo an um pha lo teuh. Heng zawng zawng chung hian Australia in an rindan an nei a, an rinna an kalpui.
An bowler-ten pitch awmdan remchangah an la a, India in over 10 chhungin wicket thum an hloh hman.
Ball a che nasa a, hei hi Aussie bowler-ten remchangah an la. India batsman-ten run siam an harsat a, ball vawm nat in awmzia a neih loh avangin boundary a vuak chhuah an harsat.
Virat Kohli leh KL Rahul ten 54 leh 66 an siam a, Rohit Sharma chuan run 47 a siam.
Australia tan Mitchell Starc chuan wicket thum la in captain Pat Cummins chuan wicket hnih a la bawk.
India bowler te pawhin pitch awmdan chu an chhawr a, run 47 Australia in an siamin wicket thum an hloh tawh.
Mahse zan boruakah pitch awmdan a inthlak a, Australia batsman-te tan ball vuak a nuam tan. Opener Travis Head chuan run 137 siamin run 58 out lova siam Marnus Labuschagne nen 192 partnership an nei a. Hei hian an ram hnehna chanpui turin dinhmun thaah a hlangkai.
Australia hi 50-over World Cup chanchin a team hlawhtling ber an ni mek a, vawi ruk an champion-na niin anmahni hnaihtu ber aiin tum li in an champion ngun zawk.
Australia captain Pat Cummins chuan, “A tawp ber leh a pawimawh ber atan kan chetthat ber kan khek a lo ni a, kan player pawimawhte a hun takah an che tha hle.”
“South Africa kan hmachhawn atang khan kan phur a, kan squad hi kum tam hlawm deuh mahse theihtawp kan chhuah a, 300 hnuaia dah hrim hrim kan tum vang khan 240 khan min ti phur zual.”a ti.