Kolasib district court-a Fast Track Court chuan hmeichhe tleirawl kum 14 tlan bopuia pawngsualtu, Mangtindam-a chu kum 20 jail tang tur leh Rs. 5,000 chawi turin a hrem.
Fast Track Court Judge R. Vanlalena chuan nimin khan Mangtindam-a hremna hi a puang a, kum 20 jail a tan bakah a pawisa chawi tura tih hi a pe lo a nih chuan kum thum chhung jail a tan belh dawn a ni.
Tar lan tawh thin angin Kolasib thlang khaw pakhata hmeichhe tleirawl kum 14 mi chu Mangtindam-a hian a bike hmanga tlan bopuiin a pawngsual a, hemi chungchangah hian November 26, 2020 khan Kolasib Police Station-ah thubuai ziah luh a ni a, inrukbo leh pawngsual thubuaia thuremna hi nimin khan puan a ni a, Mangtindam-a hi thiam loh chantirin nimin khan a hremna tur hi puan a ni ta a ni.