England Test captain Ben Stokes chuan 2024 Indian Premier League chu a fitness a siamthat theih zawk nan leh a taksa a enkawl tam theih nan a khel dawn lo tih a sawi.
Chennai Super Kings all-rounder kum 32 mi hi a khup zai tur a ni a. Nakkum a India in England nen match nga khelh tur Test series khelh hma a dam chian a duh.
Nikum IPL khan Stokes hi Chennai Super Kings in player manto ber ni tura an lei a ni a, nimahsela inhliam avangin match hnih chiah an tan a khel.
CSK chuan Stokes thutlukna siam hi an pawm a, an thlawp tlat thu an sawi a, nimahsela engtinnge an hnena a hma hun a awm zel dawn tih an sawi tel lo.
Nakkum IPL khelh hun tur hi tihchian a la ni lova, nimahsela khawvela T20 inelna ngaihven hlawh ber pawl hi March thla tawp atanga May thla vel thleng khelh tura ngaih a ni.
Stokes hian a hliam chungchang hi chiang takin sawi duh lo mahse tunhnai kum engemaw zah chhungin khup na avangin a buai leh thin.
England tana One Day International a chawlhsan hnuah World Cup khel tura kir lehin a hliam chu a dam chian theihna turin hma lakna tha tak an nei dawn tih a lo sawi tawh.