MLA inthlan vote thlak zawh taka Lawngtlai East bial, Pangkhuaa Kum 115 mi vel nia sawi Famiangi chu Lawngtlai District Election Officer Joseph H. Lalramsanga’n ngaihhlutna thuziak (appreciation letter) leh Rs. 2000 a pe a, thilpek hi DEO aiawhin BLO-in a hlan.
Famiangi hnenah hian Pangkhua Booth Level Officer (BLO) K. Lianhrangvela’n DEO thilpek hi hlanin, Pa- ngkhua khawtlang hruaitute chuan DEO La- wngtlai in ngaihhlutna thuziak leh pawisafai Pi Famiangi hn- ena a hlan chu lamwawm an tih thu an sawi.
DEO-in thilpek a hlan Famiangi hi a voter ID ah chuan kum 1920 a piang anga ziahluh ni mahse, amah hi upa tawh tak a nih vangin voter ID siamlai vel hian a piankum diktak hriat a ni lova, rinthuin a piankum hi dah a nih thu thudawnna chuan a sawi a. Pangkhua khawtlangin Pi Famiangi kum hi an theih ang anga kum upa lam te leh a fate biaa an chhut danin kum 1910 hnulama piang chu ni theia an ngaih loh thu an sawi.
Pangkhua khawtlang hruaitute chuan Pi Famiangi hian inthlan a ngaipawimawhin vote thlak ngei a duh thin tih an sawi a. Tuntum MLA inthlan vote thlak pawh khan phur takin vote a thlak niin an sawi bawk a ni.