La Liga table chung berah Real Madrid an inhlangkai lailawk a, table mawng lama awm Cadiz lakah 3-0 in hnehna an chang.
Pathianni zana Estadio Nuevo Mirandilla a inkhelah hian Real Madrid tan Brazilian forward Rodrygo a par vul a. Minute 14-naah veilam atang ball lalutin Cadiz tlarhnung a bum dar nasa viau a, goal mawi a khung.
Minute 64-naah Brazil forward hian penalty area chhunga remchang a hmuh chu la in an goal hnihna tha takin a khung a. Minute 10 a liam leh hnuah Jude Bellingham chuan tun season a a goal 14-na a khung ve leh bawk.
Real Madrid coach Carlo Ancelotti chuan, “A chang chuan harsatna hi min cho phurtu a ni thei thin. Player-ten hei hi an hrethiam. Inhliam kan ngah a, hei vang hian mahni tawkah mawhphurhna lak an inpeih vek.” a ti.