Aizawl: PC party chuan Mizorama sorkar thar lo awm tur chu ram tihmasawn tur leh tihausa turin an beisei tih an sawi.
PC party hruaitute chuan nimin khan an office tharah chanchinbu mite an kawm a, an president Vanlalruata chuan ramin hma a sawn tak tak na turin ram inrelbawl dan siam thata sorkar inenkawlna leh inrelbawlna hau tak lutuk chu tihreh a ngai tih sawiin, hemi atan hian sorkar inrelbawl dan siam leh sum enkawl dan siam thar a ngai tih te, ram hruaituten an eiruk loha eiru an hrem a tul tih sawiin, “Eng party pawh sorkar se ram an hmangaih a nih chuan heng thilte hi tih theih a ni,” a ti.
Vanlalruata chuan, “Ram hausa, hnam hausa kan nih theih nana hmalak hi sorkar mawhphurhna a ni,” a ti a, chumi a nih theih nan chuan industry din kawnga hmasawnna thlen leh Mizoram chu Sout East Asia ramte insumdawntawnna hmunpui – Indo-Myanmar-Bangladesh Trade hub-ah a siam theih tih a sawi.
PC president chuan, “Eng party pawh sorkar se kan ram leh hnam dinchhuah tak takna an duh a nih chuan heng thilte hi an tih theih ngei a ni,” a ti a; ramin hma a sawn a, a din chhuah ngeina turin heng thilte hi ti ngei turin sorkar thar lo piang tur chu an beisei tih a sawi bakah hengte tihhlawhtlin nan hian an theih ang angin hma an la dawn tih a sawi bawk a ni.