Assam-a zirna in hriat hlawh tak, Cotton University-a zirlaite chuan zirna ngaih pawimawh a nih lohva sorkar laipuia ram leilung fate dikna chanvo siam a nih loh chuan Lok Sabha inthlan lo awm tur chu boycott an tum.
‘My Nation, My Vote, My Issue’ tih hming vuaha zirlaiten beihpui an thlak mekah Ningani atanga tan khan darkar 48 awh rorel lai, BJP nawrna an huaihawt a. “He zirnna inah hian zirlai vote nei 3,500 vel kan awm a. He inthlanah hian political party-ten zirna chu a pawimawh bera an dah loh emaw, Citizenship (Amendment) Bill an thlawp emaw a nih chuan inthlanah hian kan tel lo vang,” tiin Cotton University Students’ Union-a an general secretary Pranjal Kalita chuan a sawi.
Zirlai pawlte hian BJP sorkarin CAB a sawi rik atang khan an lo do tawh a. BJP hruaitute pawh university campus-a luh an lo phal lo tawh a, bill do nan hian class pawh kal lovin vantlang inkhawm en lo buatsaih tawh thin bawk.