Zinkawng tumtawi nan eng music nge ni ang?

Lirthei khalh laia Classical music ngaithla thin te’n zinkawng nuam an tawng thin a, accident thleng thei lakah pawh an him zual hle, tih a ni.

Hetih lai hian driver chanve dawnte chuan motor an khalh laia rapper Eminem, Dizzee Rascal leh Jay Z te ang hla an ngaihthlak hian an rilru leh ngaihtuahna (mood) ah a tha lo zawngin nghawng nei nghal an ti a.

Driver panga zela pakhat chuan rap leh hip-hop music hian pa leh rum taka khalh duhna a thlen an tih laiin, 6% vel emaw lekin rap leh hiphop hian kawnga an tlan laiin hahdamna a thlen niin an sawi ve thung a ni.

  • Classical music

Hetih lai hian, classical music ngaithla chunga motor khalh thinte hi an him ber a, hetiang lam hla ngaithla thin zatve thuakte chuan an hahdampui hle.
Driver sawm zela pathum te hian Eminem-a hla an play thin an tih laiin, pali zela pakhatin Dizzee Rascal hla, ‘Dance Wiv Me’ kha an sak pui lauh lauh thin an ti ve bawk.

Hman deuha zirchianna an neih khan motor khalh thin pathum zela pahnih chuan music hian kawnga an tlan laiin an rilru suk-thleknaah kawngro nasa tak a su niin an sawi a, hetah hian accident thei dinhmunah leh tluang taka an tum ram an thlen theih-na turah hian thui tak a hril tih an lo sawi tawh.

“Motor khalh leh rimawi chungchanga Auto Trader magazine-in ngaihdan lak khawmna a neihah chuan rap leh hip hop chu dah that, classical music hian rum taka chet duhna a neih tir an ti a, mi tlem te 1% vel emaw chauh an ni.

Institute of Advanced Motorists-a Policy & Research director Neil Grieg chuan, “Kan hriat theuh tawh angin, ring tak tak maia hla play ching driver te hian harsatna an tawk duh hle. Police te hian accident a thlen hnu hian eng music nge an ngaihthlak thin tih lam an chhui ngai bawk si lova, sawi a harsa. Mahni mood awmdan a fuh lova inhriatna a awm chuan music chi hrang play te pawh a that a rin-awm hle a ni,” tiin a sawi.

Motor khalh phaha rap ngaithla thin te hi a tlangpuiin kum lama la naupangte an nih hlawm avang leh lirthei khalh chungchanga himna leh inkaihhruaina hi ngaihthah ching an nih leh zel bawk avangin chetsualna a thleng fo.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427