Azl: December 4, 2023 atanga Mizoram UPC rorelna sang, kum tawp thutkhawm chu nizan khan a tiak.
Mizoram UPC office Conference Hall, Zonuama neih 29th Mizoram UPC General Assembly-ah hian December 4, 2023 khan Nomination Committee leh Boundary Commission an thu khawm a. December 5 khan Pastoral Board an thu khawm a. Nilaini leh Ningani (Dec. 6 & 7, 2023) hian Executive Committee an thu a ni.
December 8-10, 2023 chhung khan Mizoram UPC rorelna sang ber General Assembly neiin rorel palaite an thukhawm a. Zirtawpni zan atanga Pathianni zan thleng revival inkhawm an nei a ni.
December 9, 2023 zanah Ministerial License hlanna inkhawm neih niin, nimin Pathianni chawhmaah Pastor nemngheh inkhawm neih a ni bawk.
Mizoram UPC General Assembly hi kum 2016 atang khan a inchhawkin bialin an thleng tan a, kumin hian Durtlang bial-in an thleng a ni.
Mizoram UPC General Assembly-ah hian kum 2024-2025 chhung atana General Headquaters hruaitu thar tur thlan a ni a. General Superintendent-ah Rev P Lalrinawma, General Secretary-ah Rev T Laldingliana, L&PB Chairman ah Rev HC Lalthlamuana, ATI Principal-ah rev Ngurthanpara Sailo, Area Secretary ah Rev C Liansanga, General Missions dept Chairman-ah Upa Lalthlamuana Hnamte General Missions Dept Secretary ah Rev Lalruatfela, General Missions dept Treasurer ah Lalhmangaihzuali, M&PB Chairman ah Upa K Saitluanga, M&PB Secretary-ah T.Upa Samuel lalrinawma leh M&PB Treasurer atan Zirtir Lalhruaichhunga te thlan an ni.