Mercedes F1 a team principal leh chief executive ni bawk Toto Wolff chuan a hna chhunzawm turin kum thum contract a ziah belh.
Wolff hi Mercedes F1 neitu zingah a tel a, kum 2026 thleng daih contract pawhseina a ziah thu Thawhlehni zing khan a sawi.
Mercedes hian kum 2014 leh 2021 chhungin Wolff hnuaiah hian constructors’ title vawi riat an la a, nikum khan Red Bull Racing pha lovin pahnihna an ni.
“He hna hi a thawh theih chhung thawh luih ka tum lo, kei aia tha an awm nia ka hriat hunah ka chhuahsan ang. Ka kianga thawkte hnenah pawh kei aia tha an awm hunah min hriattir turin ka tiam lawk vek tawh. Tunah erawh chhunzawm zel a tha kan ti tlang a ni.” tiin Wolf chuan a sawi.