British tennis star Emma Raducanu chuan Grand Slam tournament a a kir lehna inkhelah hnehna a chang nghal a, Shelby Rogers lakah inringtawk taka inkhelin first round-ah a chak.
Kum 21 mi Raducanu hian nikum Australian Open a khelh hnuah Grand Slam inelna dang a la khel leh lova. Ban leh kheimit lam hliam avangin thla riat dawn lai a chawlh a ngai.
Kum 2021 US Open champipon hian Thawhlehni a Melbourne Park a inkhelah hian ngai a awh leh tan tih lantir theiin a ralthuam hlauhawm ni thin a ‘service’ leh ‘groundstroke’ tha te an lantir leh thei a. 6-3 6-2 in a chak.
“Ka inkhelh danah ka lawm viau a, Grand Slam inkhel ka hmachhawn leh hmasak ber a nih avangin ka lawmna a zual bik.” tiin Raducanu chuan a sawi a. Second round-ah Wang Yafan nen an inkhel leh ang.
Inkhel dangah world number one Iga Swiatek chuan kum 2020 champion Sofia Kenin chu first round inkhelah a hneh ve bawk.
Polish star hian 7-6 (7-2) 6-2 in hnehna a chang a, final a la luh ngai lohna Grand Slam-ah bul a tan a, khingpui hautak a hneh hnuah fiahna lian tling leh tur kum 2022 final khel Danielle Collins nen an inkhel leh dawn a. Collins hian vawi hnih champion tawh Angelique Kerber a hneh ve thung.