Ngaihzawng te inkarah boruak tha tak, inhmangaihna duhawm a awm dawn nia hriatna a awm chuan, hmei-chhia zawkin mipa try kha a sualna a awm lo.
Amaherawh chu, hei hi eng-kimah hman theih erawh a ni lovang. Hma-ngaihna dik tak chu chetzia en ngai lo pawhin, mit meng atanga hriat theih a nih thin kha.
‘True Love’ ni rawh se
A dera inhlan emaw, duh tak tak si lova, play kual vel mai mai ang chi kha chu hetah hi chuan a rem lo tlat. I chass kha i hma-ngaih tak tak a, ani pawhin a duh ve che tih i chian hunah chuan he thu ziak hian a tanpui dawn che tih ringhlel suh. Hlimni leh lawmni, lungngaih lai leh hrehawm tawrh laite pawha, ‘I kiang-ah ka ding zel ang’ tithei ngat leh, inpawh taka hun hmangte nunah chuan hmeichhia zawkin mipa bula biahthu hlan leh inneih thlenga sawmna siam hi a mawi lohna a awm reng reng lo.
‘Ler’ tih leh ‘Zak thei lo’ nihna hlawh hlauh vang maia hmangaihna inthup, tawrh hrehawm tak pai bawk, hmeichhe tam tur zia hi kan ngaihtuah ngai em! Mipa te pawhin hei hi hriat a tha- hmeichhiain an hmangaih tak taka, an rilrua awm thumal inremkhawm an puan chhuah chuan, lo zahpui reng reng tur a ni lova, tha taka lo dawnsawn hi a finthlak khawp mai.
Hmun thengthaw nuam
In pahniha thlamuang taka inawm theihna tur hmun nuam takah hun hman tum ula, engemaw ina a tur ut ut tur thil reng reng, in dah that hmiah erawh a ngai.
Chutah tak mai chuan hmeichhia zawkin, “Ka hring nunah hian kumkhuaa i chen theih ngei ka duh a, nupui atan min nei ang em?” han ti deuh hnap la, i tihfuh ngei a rinawm.Tawngkam chhakchhuak tura huaisenna i neih loh paw’n, kawng dang a awm e. Card a thawn theih a, (A hlu zual a nia) Voice record-a bialpa te thawn vang vang pawh a fuh hle.
A tawpah chuan…
Hetianga biahthu i hlan a, innei hial tura i sawm tak vanga a buai phili a, mak tak maia a awm a nih chuan, i lungngaihna tur a awm hauh lo a nia
.
Thla tam kal ta atanga sawi chhuah a tum, mahse sawi chhuak thei chiah si lo kha, barakhaihna duhawm tak i va pe tihna a ni a, a fuh cher cher viau ang.
Chutih rualin, hmangaihna lamah chuan tlukloh rim i nam ngei tih a hriat belh bawk ang a, hmangaihna par a lo vul ang a, lungmuang te-in chu hmangaihna par chu inthliak dun mawlh mawlh tawh ang.