AZL: India ram hmun dangte rualin Republic Day, 2024 chu Mizoram hmun hrang hrangah January 26, 2024 (Zirtawpni) hian hman tum a ni.
A lawmna pui ber Aizawl-ah chuan zing ni chhuah rualin sorkar building leh mi mal inah te hnam puan zar a ni ang a. Zing dar 7:58 ah Assam Rifles Ground (Lammual) ah khuallian tur Mizoram larsap Dr. Hari Babu Kambhampati a thleng ang a, hnam puanzar a pawhparh hnuah Republic Day thuchah a sawi nghal ang.
National/State Awards bakah lawmman dangte leh Parade Contingent-te lawmman sem a ni ang.
Assam Rifles Ground-a Republic Day lawmna hi LPS leh Zonet Cable TV-ah ‘live’-in an pekchhuah theih beisei a ni.
Hemi ni hian sakhaw hrang hrang hnenah India ram leh mipuite tana tawngtai sak tura ngen an ni a. Republic Day, 2024 lawmnaa tel tur hian mipui a duh apiang sawm an ni.