Chief Election Commissioner Sunil Arora leh a team, member 14-te chuan nimin khan Ranchi-ah political party hrang hrangte chu Lok Sabha inthlanpui lo awm tur chungchangah a kawm.
Election Commission team hian political party hrang hrangte hi thurawn hrang hrang a pek bakah an hnen atang pawhin an sawi duh thilte a sawipui bawk.
Election Commission team hian nimin piah khan Jharkhand an lut a, niminah khan Deputy Commissioner zawng zawng leh Police Superintendent hrang hrangte pawh kawmin muanawm leh tluang taka inthlan neih a nih theih dan tur an sawipui a ni.
Team hi Chief Election Commissioner Sunil Arora hnuaiah nimin piaha thleng an ni a, an state-a officer pawimawh leh central police force hotute an kawm bawk.
Meeting-ah hian election commission team hian district tina thubuai awm dan te, Naxal chet dan leh hmalakna hrang hrangte an thlir a ni.
Jharkhand IG operation Ashish Batra leh Chief Election Officer L.Khyangte te pawh meeting-ah hian an tel a. Jharkhand an chhuahsan dawnah thuthar lakhawmtute an kawm a, an thil hmuh leh an dinhmun an sawipui.