Premier League club West Ham United chuan an winger Said Benrahma chu French club Olympique Lyonnais atangin season tawp thleng atan loan a hawh dilna an pawm.
Club pahnihte inkara inremna hi tihfel a nih chuan kum 28 mi Algerian international hi Lyon in Pound maktaduai 15 in lei ngheh theihna an nei dawn a. Benrahma hian thutlukna a siam an ngaichang mek.
Kum 2020 October khan Brentford atangin Hammers hian Benrahma hi an lalut a, an hnenah kum 2026 thleng contract a nei. An hnena a cham chhungin khelhthat vanga fak leh beisei a phak loh avanga sel a inchhawk fo.
Tun season-ah vawi 22 an tan inkhel tawhin goal khat mah a khung lova, FA Cup replay-ah Bristol City laka an tlawm tumin hnawhchhuah a ni bawk.
Africa Cup of Nations squad ah telh a ni lo bawk a. Ani bakah hian Hammers hian Spain midfielder Pablo Fornals pawh chhuahtir an phal niin an sawi.