Aizawl: BJP Mizoram State Secretary Christopher Lun chuan Mizoramin PM Scheme hrang hrang a kalpui dan fuh tawk lo thenkhatte chu National Level PM Beneficiary Schemes hrang hrang hman dan zirhona, Rastriya Labharti Sampark Abhiyan-ah sawi chhuak.
New Delhi-a Rastriya Labharti Samparh Abhiyan meeting-a nimina kal Lun chuan BJP Mizoram State President-te nena uluk taka an thlirho hnua Mizoram sorkarin PM scheme hrang hranga kalpui dan te, a hman dik loh dan te leh hman dik dan turte rawtna hrang hrang chu a sawi chhuakin, ziakin report a pek bakah a changtu minister tinte chu a copy a pe vek bawk.
Mizorama PM Scheme hrang hrang implement a nih dan thlithlai tur atana ruat a nih angin, Lun hian a report-ah hian a bikin PM Kisan leh KCC Mizorama kalpui dan fuh tawk lo te, Jal Jeevan Mission kalpui dan tha lo te, PMAY a nih tur anga hman a nih loh dan te, gas dealer-ten a thlawna gas connection an kalpui dan dik lo te, free ration beneficiary thlan dan fel lote a tar langin, PM Scheme chu a nihna tur ang taka kalpui theih a duh thu leh central atanga monitoring team tirh a tul thu a sawi bawk.
Meeting-ah hian BJP National President JP Nadda leh central minister eng emaw zat an tel.