Ningani zinga NBA regular season khelhah Phoenix Suns tan Kevin Durant a kir a, Brooklyn Nets an hneh tumin a chetha hle. Inkhel dangah Portland Trail Blazers in hnehna an chang ve bawk.
Phoenix Suns in Brooklyn Nets an hmachhawn tumin hliam vanga chawl reng Kevin Durant a kir a, a inlan ve leh thei tawh. Durant hian a club hlui Brooklyn Nets lakah point 33 a thawkchhuak nghal a, mualchhungah a langsar leh nghal chat. Suns leh Nets te hian inhnehtawk takin bul an tan a. Quarter khatnaah point 30 ve ve thawkchhuakin an inhnehtawk phawt. Quarter hnihnaah point hnihin Suns an chungnung zawk a, inthlau lo tak chungin chawlhlawk an hmang.
Chawlhlawk hnu lamh Suns an khel tha chhunzawm viau a, quarter thumnaah point 16 zetin an chungnung a. Quarter hnuhnung berah point thumin hnufual zawkah tang mah se point 136-120 in hnehna an chang zui ta tho a ni. Phoenix Suns hi Western Conference-ah parukna an ni mek a, Brooklyn Nets hi Eastern Conference-ah 11-na an ni ve mek.
Ningani zinga inkhel dangah Portland Trail Blazers chuan point 119-116 in Milwaukee Bucks an hneh a. Los Angeles Clippers, Cleveland CavaliersChicago Bulls, Miami Heat Oklahoma City Thunder leh Orlando Magic ten hnehna an chang bawk.