Barcelona chanchina player ropui ber, footballer piang tawh zawng zawng zingah ropui ber ang hiala ngaih ni bawk; Lionel Messi hlutna a lang chiang zui zel a. Napkina a hming sign na lilam a ni a, £300,000 zet chhiar a ni hem mai. .
£300,000 zeta an zawrh chhuah hi napkina thuziak hi kum December 2000-a Lionel Messi-a’n hming a ziah hnan a ni a. He nakkin a hming a ziah lai hian Messi hi kum 13 chauha upa a ni. Messi-a’n hming a sign bakah hian Spanish club transfer advisor Josep Minguella leh Messi agent Horacio Gaggioli ten hming an ziak bawk.
Napkin a hming a ziah a hnu lawkah Messi hian FC Barcelona hi a zawm fel nghal a. Youth level-ah tha chungchuang taka a inlan hnuin senior team ah a che ropui chho leh viau bawk a. Khawvela player ropui a nih chhoh bakah Barcelona hi khawvela club tha ber a nihpui bawk.
A ropuina Barcelona tan Lionel Messi hian kum 16 mi a nih atangin senior team tan a khel tan a. I-nelna hrang hrangah vawi 778 zet a khel a, goal 672 thunin Barcelona tana goal thun hnem ber a ni.Barca hi La Liga-ah vawi 10 zet a champion pui a. Europe khawmuala inelna ngaihhlut hlawh ber UEFA Champions League-ah vawi li a champion pui bawk. A ropuina hmunah cham zui duh viau mah se kum 2021 khan Nou Camp a chhuahsan. PSG tan a khelh hnuin Inter Miami a zawm leh.