Crystal Palace chuan thlasik bazar tawp dawn ruaiah Ivory Coast forward Maxwel Cornet chu loan in hawh an tum ve leh hnuhnawh. West Ham pawhin Cornet hi chhuahtir an phal. (Telegraph – subscription required)
Aberdeen chuan tum 75 mi Neil Warnock chu tun season chhung an manager atan an dawn a, Barry Robson hmunruak luahtu atan an la lut ang. (The Press and Journal)
January thlaah Al-Ittihad chhuahsan tur anga sawi French striker Karim Benzema chuan season dang pawh cham belh a duh a, a chhuak dawn lo tih a tichiang. (Ben Jacobs)
Aston Villa in chhuahtir phal bawk mah se English defender Calum Chambers chuan Championship club pathum atanga sawmna a dawn a hnar. (Football Insider)
EPL ah kaisan beiseina sang tak nei mek Championship club West Brom chu Arsenal defender hlui Chambers ngaihven zingah an tel. (Mail)
Everton winger Ademola Lookman leh Atletico Madrid leh Juventus ten lak an tum a. Atalanta-ah loan a khel mek hi nipui bazar inhawn hunah lak ngei tumin hma an la ang. (Sun)
West Ham chuan Fulham in loan a Algeria winger Said Benrahma hawh an dilna an hnar a. Cottagers hian Lyon hmakhalh ngei tum mah se an hlawhtling zo ta lo. (Fabrizio Romano)
Arsenal chuan Belgian midfielder Albert Sambi Lokonga chu loan-a a khelhna Luton Town ah a chetthat vangin fiahna hun tha dang an pe leh dawn. (Football Transfers)
January thlaah Tottenham chhuahsan tur anga sawi tlang than Spain winger Bryan Gil chuan cham chhunzawm turin thutlukna a siam ta zawk. (Fabrizio Romano)
Inter Milan leh Italy midfielder Stefano Sensi chu medical test paltlang vek tawh mah se loan in Leicester City a zawm fel thei ta chuang lo. (Telegraph)