French police te chuan legend Alain Delon chenna In atangin silai 72 leh a mu sangthum chuang an man.
Paris khawpui atanga km 135 hlaa awm Douchy-Montcorbon-a filmstar lar chenna ah hian shooting range lian tak an hmuchhuak bawk.
Prosecutor te sawi danin, Mr Delon hian silai kawl phalna engmah a nei lova, Dan kalh a chetna langsar tak a awm, an ti.
Kum 88 mi actor hi French cinema vanglai tak taka hriathlawh leh langsar ni pha kha a ni a, ‘The Samurai and Borsalino’ film phei kha chu tun thleng pawh a sawi hat hat tling, Pa leh rum em em maia a inlanna niin, lemchan khawvela film tha ber pawla sawi ani nghe nghe.
Mr Delon hi 2019 khan stroke-in a tlakbuak a, hemi hnu hian a hriselna a pan zui hle niin, tualchhung media te chuan an tarlang.