Taylor-i’n Satanic hmanrua hmang fo: Shane (Boyzone)

Boyband lar tak ni thin Boyzone-a singer Shane Lynch chuan live shows hrang hrangah Taylor Swift-i’n Satanic hmanrua a kalpui thin thu a sawi.

Kum 1990s chho vela hriathlawh, 2003 kum a Kristian sakhua nghet lehzual a vuantu sawi danin, American pop star hi stage-a a chetna velah Satanic thuchah thukru in, a inlan fo, a ti.

“Zaithiam thahnem tak hi han en vang vang la, stage shows an neihah Satanic kaihhnawih emaw inthawina ang chi tam tak a awm tih i hre thei mai ang. Fire ceremony angah a tam lehzual,” tiin Shane hian a sawi.

“Taylor Swift thlengin an bang lo.. Ani hi rimawi khawvela zaithiam lar ber zingami a ni a, vawikhat a inlan tawh chuan ramhuai lam kaihhnawih pahnih emaw pathum hi chu a lo berah a awm ngei ngei zel.

“Vanduaithlak takin, mi tam tak chuan ‘Art’ emaw an la ti fo mai a, chu chu an hmuh dan pawh a ni,” a ti bawk.

Leave a Reply

error: Content is protected !!