AZL: MZP General Headquarters, Executive Committee chu nimin khan MZP Conference Hall-ah an thukhawm a, Rashtriya Uchchatar Shiksha Abhiyan (RUSA) hnuaia Mizoram chhunga college building sak mek leh Mizoram Education Service (MES) chungchang a rel.
President H Lalthianghlima kaihhruaiah hian RUSA hnuaia Mizorama college hrang hrang building sak mek chu a tul anga endik an rel a. College building hrang hrang sak mek chu, a nih dan tur ang a nih leh nih loh bakah zirlaiten a hun taka an luah luh theih nan a tul anga hmalak an rel bawk.
Thutkhawmah hian hun rei tak hma an lo lak tawh leh vei em em, Mizoram zirna enkawtu tur, MES chu Mizoramin a neih ngei theih nan hmalak an rel bawk.