Album thar tlangzarh hma hauh atang tawh a sawi leh sel hlawh ‘Cowboy Carter’ chungchangah Beyonce hian country music a hrut miau si a, fan te zingah pawh lungawi lo fe fe an tam.
Pop icon hian studio LP pariatna tur, ‘Cowboy Carter’ siam nan kum nga zet hun a hmang ral. Tun thla tawp March 29-a tlangzarh tur hi Beyonce tan chona thar a ni nghal ringawt bawk.
“Genre dang a ka vawikhat luhna a sawiselna ka dawn zozai te hian ka theihna sang zawka kalpui a nih theihnan min nawr kal ka ti lo thei lo. Keimah ngei pawh chona ka insiam a, genre dang hlak mai- siamrem a, herrem tur hian hun pawh ka mamawh rei hle,” tiin Beyonce hian a sawi.