Pathianni zanah Liverpool in 3-0 ngawta Manchester United an hneh hnu khan Egypt forward Mohamed Salah chuan season tawp hunah Anfield a chhuahsan tur thu a sawi a. He mi hnu hian Liverpool chuan Salah hi contract thar chungchangah dawr turin ruahmanna an siam zui nghal. (Football Insider)
Pumas UNAM manager Gustavo Lema chuan Liverpool in kum 23 mi Mexico winger Cesar Huerta lak tuma hma an lak thu a sawi. (TUDN – in Spanish)
Chelsea chuan England left-back Ben Chilwell chu loan in Turkey lamah tirh an hreh lo. Blues hian Chilwell hi hralh an duh viau naa dawrtu an awm lo tlat thung. (Telegraph – subscription required)
Chelsea leh AEK Athens te chu kum 21 mi Ivory Coast forward David Datro Fofana chungchangah an indawr. (Mail)
Tottenham chuan United States midfielder Johnny Cardoso chu Real Betis atangin £21m senga lak tumin an dawr. (Telegraph – subscription required)
West Ham chuan Borussia Dortmund a chhuahsan hnua club vawn nei lova awm mek Germany defender hlui Mats Hummels lak an rilruk. (Times – subscription required)
Galatasaray chu Manchester United nen kum khat chhung loan a Brazil midfielder Casemiro hawh chungchangah an indawr. (Ali Naci Kucuk – in Turkish)
Liverpool midfielder hlui Naby Keita chu Istanbul Basaksehir nen an indawr. Keita hi championship club Sunderland in lak tumin an dawrnaa inremna an nei thei lo. Heti a nih vang hian Basaksehir hian Werder Bremen atanga lak tumin an dawr ve leh. (Guardian)
Manchester United winger hlui Anthony Martial chu AEK Athens in an club player hlawh hnem ber ni turin an dawr. Martial hian June thla khan contract hmang zovin Old Trafford a chhuahsan a, club nei lovin a awm mek. (Sport24 via Sun)
Manchester United chuan Juventus leh Colombian left-back Juan Cabal an thlithlai uluk leh zual. (Tutto Juve – in Italian)
Real Betis chuan nipui bazar inkhar ni khan Manchester United leh Denmark midfielder Christian Eriksen lak tumin an dawr. (Fabrizio Romano)