AZL: Zo Re-Unification Organisation (ZORO) chuan tun hnaia Zofaten inpumkhatna kawng an zawh mek laia inpumkhatna kawng dal thei leh inunauna tichhe zawnga social media lama thusawi/thuchhuah thin an awm chu pawi an tih thu an sawi.
Nimina thuchhuah an siamah ZORO chuan India, Myanmar, Bangladesh awm Zofa thendarh a awm tawhte Chin Lushai Conference rorel dung zuia an insuihkhawm leha rorelna pakhat hnuaia an awm lehna tura hma latu turin din an nih angin Zofate chu rorelna pakhat hnuaia awm turin hma a la zel dawn tih an sawi a. A tawp thlengin an dikna chanvo an hmuh hma chu, an hnam leh ram tan an ding zel dawn tih an sawi.
ZORO chuan tun hnaiah Zofaten inpumkhatna kawng an zawh mek laia inpumkhatna kawng dal thei leh an inunauna tichhe zawnga social media lama thusawi/thuchhuah thin an awm chu pawi an tih thu an sawi a. Hetiang ti thinte chuan, an hnam tan nghawng tha lo tak thlen chhunzawm thei thil a nih avangin lo fimkhura social media hmanga inbeih tawnna thuchhuah emaw, video emaw lo siam tawh lo turin mi tin a ngen tih an sawi.