AZL: Assembly budget session neih mekah nimin khan minister pahnih department pawisa hman tur sawiho a ni a, pawm a ni.
Demand for grants sawi tan niin minister K Sapdanga department chanpual Personnel & Administrative reforms ah Rs 4,35,05,000, home department-ah Rs 8,60,76,50,000, Disaster Management & Rehabilitation-ah Rs 78,37,31,000 leh Urban Development & Poverty Alleviation (UD & PA)-ah Rs 3,30,25,94,000, a vaiin Rs 12,73,74,80,000 pawm a ni.
Minister PC Vanlalruata department chan – Agriculture & Farmers’ Welfare-ah Rs 1,91,10,70,000, Co-operation-ah Rs 17,77,24,000 leh Irrigation & Water Resources-ah Rs 91,26,70,000, a vaiin Rs 3,00,14,64 ,000 pawm a ni.
Business Advisory Committee (BAC) ruahman angin budget calendar-ah chuan demand for grants 2025-26 hi March 20, 2025 thleng session-ah hian sawiho a ni ang.