Mithiamte hmuchhuah thar berah chuan, Zial nghei a nih chiah hian mipat hmeichhiatna hman chungchangah pawh taksa a ‘fit’ tha nghal thuai thin niin, Hong Kong University-a mithiamte chuan an sawi.
He zirchianna hi chi chak lo leh hna thawk thei lo (impotence) vanga enkawl 53.8% te chuan Zial an nghei atanga thlaruknaah an harsatna chu sutkian deuh duak a nih thu an sawi hlawm a, nupa hlimna phur takin an hmang thei nghal an ti a ni.
Professor Sophia Chan chuan China leh Asia ram angah hian mipa pa tawk lohna (Erectile dysfunction) hi buaipui ngai khawpin a hluar a, hei vang hian he an thil hmuh chhuah atang hian nasa lehzuala inhrilhhriatna leh inzirna neih a tul, a ti.
A thawhpui Lam Tai-hingpawhin, “Zial zu thinte hian an chin dan tha lo tak hi an hriatchian rual rualin an sim hmak a pawimawh hle a. Zial vanga harsatna hrang hrangte pumpelh an duh chuan a rang lama siam thar lehna an chan a ngai a ni.
“Mipa pa tawk lo te hian Zial an nghei hmak hnu-ah mi pangngai tak an ni leh thei tih hi an hrechiang tawh a, kawng dik an zawh chho ta hi an inchhir lo hle a ni,” a ti ve bawk. Hong Kong University hnuaia ‘School of Public Health & Nursing’-in zirchian-na a neihah chuan kum 30-50 inkar mipa 500 chuang zette chu an ‘pa’ thei lo tih a ni.