Aizawl: ICFAI University, Mizoram leh Tourism Department, Government of Mizoram te tangkawpin April 22 leh 23-ah Youth Festival (UNIVOYAGE) 2026 hun an hmang.
He hunah hian Patricia Mukhim, Editor, Shillong Times leh Padma Shri Award pawh lo dawng tawhin hun a hman pui a. Ziakmi-te pawimawhzia leh khawtlang inlumlet dan te leh a cheng mihringte rilru thleng a hneh theitu an nih thu sawiin, thalai-te hi thuziak lam uar turin a fuih.
Dr. Theyiesinuo Keditsu, Kohima, Nagaland pawhin he hun hi hman puiin, Mizoram-a thalaite thuziak lama tan la turin a fuih a. Translation hmang hian hnam thawnthu te leh hnam chanchin te hi mi tam zawkin an lo hre thei ang a, hei hian khawvel hriatah kan hnam nihna hi a la nem ngheh theih tur thu a sawi bawk.
Chawhnu lamah Irene Zohlimpuii Chongthu, Additional Secretary, Tourism Department, Government of Mizoram chuan zin veivak ten an hriat tur leh, zin mite kan ram a an lo dawnsawn dan tur te sawiin, mahni hnam a chiang a, Mizo thalaite kutchhuak emaw, ei siam emaw te ngaihhlut a pawimawh thu a sawi.
He hun hi Mizoram Larsap General Vijay Kumar Singh pawhin hmanpuiin, thalai tam zawkten an zirlai te hi hmasawn nan hman ngei a tulzia sawiin, Youth Festival (UNIVOYAGE) 2026 chu a zawngchhang thlak thu a sawi.
ICFAI University, Mizoram leh Tourism Department, Government of Mizoram te tang kawpin April 22 leh 23-ah Youth Festival (UNIVOYAGE) 2026 hun an hmang.