Nilaini khan Grammy dawng tawh, kum 60 mi Shania Twain chu Academy of Country Music Awards vawi 61-na host tur atana puan a ni.
Tun tum hi Awards a host tumkhatna tur niin, amah pawhin a hlim thu leh a phur tawh thu a sawi a, “Las Vegas-ah kan inhmuh theuh dawn nia,” a ti.
Twain chuan, “Zan ropui leh nuam tak, nomination tha tak tak awmna ka host thei tur hi ka lawm hle a, zan chhinchhiahtlak leh ropui, mi ropui tak takte nen inhmuhna hun tha kan nei tur hi ka lawm hle,” a ti bawk.
Awards show hi Las Vegas-a MGM Grand Garden Arena-ah May 17, Pathianni zanah neih a ni dawn a, Amazon Music channel leh Amazon Music app hmanga en theih tura ruahman a ni.