Dakato Johnson leh Role Model te chu an inhmangaihna kawng a nghet chho zel niin a lang a, nilaini khan New York khawpuiah inhaw lo taka an inzuichhuak lai hmuh an ni.
Kum 36 mi lemchan thiam leh kum 28 mi Role Model te hi an inzui thu a tlang thang vak lo a, mahse vantlang hmaah erawh hmuh zeuh zeuh thin niin, nilainia hmuh an nih hi chuan an inhaw lo tawh hle niin a lang.
An pahnih hian April 3 khan Los Angeles-ah hmuh niin, an thlalak hrang hrangah phei chuan an infawp leh inkai lai thlalak a tam hle a, April 5 khan coffee an indun lai hmuh leh an ni bawk.
An pahnih hian December thla atang khan an inzui tan nia sawi an ni a, hei hi Dakota leh a kawppui hlui nita Chris Martin te inthen hnu thla engemawzahnaah a ni.
Role Model pawh hi a kawppui social media personality leh podcast host Emma Chamberlain nen kum thum chhung an inneih hnuin, October 2023 khan an inthen thu an puang a, tunah kawppui nei lo ve ve ta chu an inzawmna a nghet chho viau niin a lang a ni.