ZPM Vice President W Chhuanawma’n party-a a nihna chelh atangin banna a theh lut.
The Zozam Times thudawn danin Tuichang bialtu MLA W Chhuanawma hian taksa lamah harsatna a neih avangin ZPM vice president (elected) nihna a chelh atangin bânna hi nimin khan a theh lut a, pawm a nih leh nih loh erawh hriat a la ni lo.
Taksa lama harsatna a neih avangin Mizoram Assembly Budget Session hnuhnung berah khan Tuichang bialtu MLA hian house a luahlum thei meuh tawh lo a ni.
ZPM party hian vice president pathum an neih mek zingah W Chhuanawma chiah hi elected a ni a. Appointed vice president pahnihte chu VL Zaithanzama leh C Lalnunnema te an ni.
ZPM vice president hmun ruak hlawh khat tur hian tuna ZPM Political Affairs Committee (PAC) elected member Lalmuanpuia Punte, Hrangturzo bialtu MLA chu a khân hle nia thudawn a ni.
Nilaini atang khan Chief Minister Lalduhoma’n ZPM president nihna a chelh tawh bawk a. President ni lai, Lalliansawta chu taksa lam harsatna avangin hun eng emaw chen a chawlh a ngaih dawn avangin a chawlh chhunga president dinhmun lo luah turin ZPM Legislature Party leader hi president charge la turin party hian an ruat a ni.