April ni 24, Zirtawpni zan khan R. Dengthuama Hall-ah ZONET TV Pvt Ltd-in Mizoram Journalists’ Association (MJA) thawhpuia Women and Child Development (WCD) nena tangkawpa Miss Mizoram 2026 thlanna a buatsaih chu a hmawr bawk a ni.
Miss Mizoram 2026 atan Bawngkawn South nula C Lalthlamuanpuii chu thlan a ni a, Miss Mizoram 2024 Jennifer Lalrinzuali Renthlei-in crown a khim tir. C Lalthlamuanpuii hi open audition atanga tling a ni.
C Lalthlamuanpuii hian sub-title pahnih — Miss Beautiful Skin leh Miss BWAP title a hawn bawk.
Miss Mizoram 2026 thlannaah 1st runner up chu Saitluangpuii Sailo, PUC, Chanmari niin, 2nd runner up chu Vanlaltanpuii, Serchhip a ni. Vanlaltanpuii hi sub-title pakhat, Miss Multimedia atan thlan a ni bawk.
Miss Mizoram 2026 C Lalthlamuanpuii hian Rs nuai 2 leh scooter a dawng a. Pahnihna Miss Photogenic sub-title dawngtu ni bawk Saitluangpuii hian Rs nuai 1 dawngin, pathumna Vanlaltanpuii hian Rs 50,000 a dawng ve thung.
Grand Finale zan hian a hmaa sub-title la sem loh pathum te sem chhuah nghal a ni a. Chungte chu — Miss BWAP atan C Lalthlamuanpuii thlan niin, Miss Multimedia atan Vanlaltanpuii leh Miss Personality atan Ruthi Lalruatpuii thlan a ni bawk.