Aizawl: Tuichang bialtu MLA W Chhuanawma’n taksa lamah harsatna a neih avangin ZPM vice president (elected) nihna a chelh atangin April 22, 2026 khan bânna a theh lut a, Thawhlehni khan Adviser to Chief Minister Lalmuanpuia Punte, MLA chu vice president atan ruat a ni.
ZPM vice president hmun ruak hnawh khat tur hian tuna ZPM Political Affairs Committee (PAC) elected member Lalmuanpuia Punte, Hrangturzo bialtu MLA ni bawk hi vice president post luah khat tur hian a tir atanga rin kai a ni a, he dinhmun hi a chelh zui dawn ta a ni.
W. Chhuanawma hi ZPM party vice president elected awmchhun a ni a. Appointed vice president pahnih, VL Zaithanzama leh C Lalnunnema te an awm bawk a, W. Chhuanawma a bân takah chuan vice president pathumte hi appointed vek an ni dawn ta a ni.