Aizawl: Mizoram State Healthcare Society Chief Executive Officer Dr Lalhriatzuali Ralte chuan hriattirna tichhuakin, Mizoram Universal Healthcare Scheme (MUHCS) empannelled hospital ni loah damlo admit theih a nih thu leh damlo admit turte chu nunna chhan nana enkawl nghal ngai – emergency bik chauh a nih thu a tar lang.
Dr Lalhriatzuali Ralte chuan, kumin April ni 1 atanga kalpui tan MUHCS 2.0-ah empanelled hospital ni lo te’n MUHCS hmangtu damlo an enkawl theihte chu — ICU-a dah nghal ngai damlo te, nunna chhan nana zai nghal ngai leh accident tawk nunna chhan nghal ngai te an nih thu a tar lang.
Healthcare society-in an tarlan danin tun dinhmunah Mizoramah empanelled private hospital 16 a awm mek a; chu’ngte chu Aizawl district-ah JC Eye Hospital, Chaltlang leh Ramhlun North-a Nazareth Hospital, Redeem Hospital, Synod Hospital, BN Hospital & Research Centre leh Eye Care Hospital-te an ni.
Champhai district-ah DM Hospital leh MED-AIM Hospital te, Lawngtlai district-ah Christian Hospital leh Lairam Christian Medical Centre te, Lunglei district-ah Christian Hospital, Faith Hospital leh John Williams Hospital te, Serchhip district-ah Mercy Hospital leh Siaha district-ah Maraland Gospel Centenary Hospital-te an ni.