United Arab Emirates (UAE) chu a zawnin ni hnih chhung Iranian missile leh drone hmanga beih a ni tih an defence ministry-in a tar lang.
Thawhlehnia beihna hi a hma nia beihpui thlaknaah mi pathum velin hliam an tawrh tuka a thleng a ni a, hemi tum hian drone-in hmar lama Fujairah-a tuialhthei hmun pawimawh kah fuh niin a kang nasa hle.
Beih hnuhnung zawka chhiatna thlen dan erawh chiang taka hriat a la ni lo.
He thil thleng hi Washington-in Thawhtanni atanga Strait of Hormuz kaltlanga lawngte kaihhruaina tur hmalakna thar, ‘Project Freedom’ tia vuah a kalpui hnua Iran leh US inkara indona tharthawh leh hlauhthawnna a awm mek lai a ni a. Lawng kawng hi khawvela energy thawn hmun ngaa thena hmun khat vel chu kalna a ni.
February thla tawp lama US leh Israel tang dunin Iran an beih avanga phuba lakna atan Iranian sipaite chuan Tehran phalna la lova kal tum lawngte chu beih emaw, beih tum emaw hmanga vauin an thunun ni. He hmalakna hian khawvel pumah energy-ah harsatna a siam a, tuialhthei leh boruakalhthei man pawh kum tam tak chhunga a san ber lai a ni.
Strait dan chhan let nan US chuan April 13 atang khan Iran lawng chawlhhmunte chu a dang a, hei hian Tehran-in tuialhthei a thawn chhuah theihna te, thil pawimawh lak luh theihna leh foreign-exchange-a thil a vawn theihna te a tikhawtlai.
Thawhtannia Washington-in Project Freedom a kalpui tan atanga rei lo teah Iranian sipaite chuan US indo lawngte chu an kap tih an sawi a. US Central Command erawh chuan an lawng kah a nih loh thu a sawi a, Iran hian US lawng sipai thil leh US flag intar sumdawng lawngte cruise missile hmangin a kap tih a sawi thung.
US sipaite chuan Iranian lawng tenau paruk an tihchhiat thu an sawi a, hei baka missile leh drone-a beihna an kap thla tih an sawi.
Tehran hian Thawhtanni khan UAE lam hawiin missile 15 – a tam zawk chu ballistic a kapchhuak bawk a, chawlhkar li vel kal taa US leh Iran inkahhai hnua a kah lehna hmasa ber a ni a. An vai hian dan vek a ni tih Emirati thuneitute chuan an sawi a; mahse, tuialhthei hmun pawimawh tak awmna, Fujairah-ah kangmei a chhuak.
Indo lai khan he hmun hi a pawimawh hle a, ni khatah barrel maktaduai 1.7 vel, an thawn chhuah zahve vel buaipuina a ni a, he hmun atang hian Strait of Hormuz kaltlangin lovin Gulf of Oman-ah lawngte an theih vang a ni.
Inbeihna awm mah se Washington chuan Iran hian inkahhai thuthlung a bawhchhe lo tih a sawi a. US Defence Secretary Pete Hegseth-a chuan sumdawn lawng himna tura beihpui thlakna chu hun eng emaw chen atan a nih thu sawiin US sipaite chu Iran tuipuiah emaw, boruakah emaw an luh loh thu a sawi.
April 8-a inkahhai puan a nih hma chawlhkar nga chhung khan UAE hi missile leh drone 2,800 vel hmangin Iran-in a bei a, Gulf ram dang leh Israel a beihna aiin a tam zawk.