Bollywood nuho zinga lawm hlawh leh hmeltha tak Preity Zinta chuan film pakhat chang zo leh tawhin, September 18 hian tlangzarh a ni dawn.
Preity Zinta film thar hi ‘VIBE’ tih a ni a, Kunal Kemmu nena an chan dunna niin, Kemmu hi a script ziaktu leh direct-tu a ni bawk.
Thawm a neih loh vang vang hnuah ‘VIBE’ hmanga a lokir leh thei chu a lawm thu Preity chuan sawiin, a thawhpuite nena hun tha leh inpawhtawnna tha tak an nei zui thei chu a lawmthu a sawi.
‘VIBE’ hi thian inthen thei lo pahnih, inkawmngeih em em, engkim tuarchho tate chanchin niin sawi a ni a, Preity Zinta phei chuan script a hmuhtirh atanga a hlim leh phur nghal em em thu a sawi a ni.
Preity hian Sunny Deol nena an channa ‘Lahore 1847’ chu thla leh lama tihchhuah an tum thu sawi bawk.