Aizawl: Commerce & Industries Department Addl. Director pension ta, R. Lalrodingi, tourism director atana rawih nawnna order sut tura sorkar an ngenna bawhzuia nan MZP chuan Thawhlehni zing dar 7:30 khan department thawktute pisa kai tur an dang leh.
MZP hruaitute chuan sorkar atangin thu thar engmah hriat a la awm loh avangin hmalakna hi chhunzawm zel an tum a. Tourism Director hi an ban emaw, sorkarin a rawih nawnna order hi a sut emaw a nih loh chuan, Nilaini zing dar 7:30 hian a hmun ngai, Tourism department pisa kawtah punkhawm leh nise tiin MZP chuan thutlukna an siam.
He thil dik an dodalna kawnga Mizoram mipui thlawpna nasa tak an dawn avangin MZP chuan lawmthu an sawi a. Nilainia pisa kai tur danna hunah pawh hian College zirlai te leh hnampual hruaitu zawng zawngte tel leh vek turin an sawm nawn a ni.