Aizawl: Union Minister of State for Housing & Urban Affairs Tokhan Sahu chuan nimin khan Champhai tlawhin, Circuit House-ah sorkar hotute leh khawtlang hruaitute nen an inkawm.
Union Minister Tokhan Sahu chuan central sorkarin hmarchhak bial a ngaihpawimawh tih sawiin, hmasawnna hna thahnem tak thawh tawh a ni, a ti a. Sorkar thil tum ber ‘One India’ (India inpumkhatna) a hlawhtlinna tur hian Prime Minister hmalakna tlawmngai taka thlawp turin sorkar hnathawktute leh mipuite tan la turin a chah a. India ram inpumkhatna vawng nung tur hian mahni hnam leh nihna hlu takte hre chiang chunga hmalam pan a pawimawh thu a sawi bawk.
Addl. DC Lalbiakfela kaihhruaia an inkawm zawh hian, Union Minister chuan Pradhan Mantri Awas Yojana – Urban (PMAY-U) leh Deendayal Antyodaya Yojana – National Urban Livelihood Mission (DAY-NULM) hnuaia hamthatna dawngtute a kawm zui nghal.