Aizawl: Mizoram pumah Special Intensive Revision (SIR) of Electoral Rolls, 2026 chu Inrinni atang khan kalpui tan a ni a. District hrang hrang luhchhuakin Booth Level Officer (BLO)-ten anmahni huam chhung theuhah in tin an tlawh chhuak tan.
In tin tlawh chhuah hi June 28, 2026 thleng neih tur a ni.
BLO-ten house-to-house visit an neih chhung hian in tina voter tuna electoral roll-a chuang mek te, electoral roll siam thar tura thun dilna Enumeration Form chu voter zawng zawng tan copy hnih theuh an sem ang a. Copy khat la letin copy khat dang leh chu voter-ten an kawl dawn a ni.
BLO-te hian a tul angin voter-te Enumeration Form an dah khahpui ang a. Enumeration Form dah khah sa chu BLO-ten an la khawm leh dawn a. Hemi bakah hian Enumeration Form an lak khawm saa voter-te detail chu BLO app hmangin online-ah an thun leh dawn a ni.
Tun dinhmunah Mizoram chhungah voter 8,75,068 (mipa – 4,23,397 leh hmeichhia – 4,51,671) an awm mek a ni.