Aizawl: MPCC Treasurer Dr Lalmalsawma Nghaka chuan Congress Party in mipuite dah pawimawhna leh lainatna thinlung nen an policy tur an duang mek tih a sawi.
AMC Corporator ni bawk Dr. Lalmalsawma Nghaka hian Ningani khan Hnahlan VO Hall-ah Champhai North Congress Block-II huamchhunga Congress worker-te nen inkawmhona hun an nei a. Thusawiin, Congress Party in mipuite dah pawimawhna leh lainatna thinlung nen an policy tur an duang mek tih a sawi a.
Dr Lalmalsawma Nghaka chuan duhsakna uchuak leh a thei falten sum siam an tumna ringawta Restricted Tender, Departmental works leh Work Supervisor phuahchhawpte chu Congress chuan a hnawl dawn a ni, a ti a. Health Care chungchang sawiin, mi harsa berte leh mi nawlpui banphak tura hnuk hniamin, sumdawn nan hmang lo va, langtlang tak leh mipuite tana chhenfakawm takin an kalpui tur thu a sawi bawk.
Dr. Lalmalsawma Nghaka hian Ngur-Vapar chunga tui khuahma tur hmun tlawhin, he project hi CM-in a sawi atanga kum hnih a ral hnuah pawh bawngtuthlawh cheh khat pawh chehna hnuhma hmuh tur a la awm lo chu lungchhiatthlak a tih thu sawiin, Mizoram CM meuh thusawi bawhzuina a awm lo chu CM zah lohna a ni, a ti bawk.