Aizawl: Election Commission of India (ECI) Deputy Director Apurva Kumar Singh chuan Ningani khan Reiek a tlawh.
ECI deputy director hi Reiek BDO leh Assistant Electoral Registration Officer (AERO) ni bawk, Betty Lalrinfeli leh a thawhpuiten dawngsawngin Special Intensive Revision (SIR) of E-Rolls hlawhtlinna tura hmalak tawh dante an lo sawipui a. AERO Office-ah BLO-te nen an hmalak tawhnate an sawi ho a ni.
ECI deputy director chuan an hmalakna leh hlawhtlinnate mipui hriata pho lang uar turin a chah a. BLO-te hnathawh dan leh SIR 2026 hlawhtlinna tura an vah chuahna thlalak leh video lakhawma dah tha thin turin a chah bawk.
Singh chuan khawtlanga mi chhuanawm leh hruaitute nen thawhhona tha tak nei turin a chah a, India khua leh tui kum tling chin tumah hmaih awm lova Electoral Roll-a an chuan vek theihnan thahnemngai taka thawk turin a ngen.
Singh leh amah tawiawmtute chuan Reiek khaw chhunga in eng emaw zat tlawhin BLO-ten in tina tlawhchhuahna an neih dante a hmunah a enpui nghal a ni.