Aizawl: Special Intensive Revision (SIR) of Electoral Rolls 2026 kalpui mekah Inrinni thleng khan Mizoram pumah Enumeration Form 92.88% sem chhuah tawh a ni.
Election Commission of India (ECI) ruahmanna a uluk lehzuala electoral roll endikna kalpui mek chu ngawrh taka kalpui mek zel a ni a, State Election Commission Mizoramin an sawi danin Enumeration phase kalpui mekah Inrinni chawhnu thleng khan Enumeration Form 8,12,771 sem chhuah tawh niin, heihi 92.88% a ni.
Hetih rual hian vote neitute hnen atanga form thehluh zat chu 0.01% chauh a la ni thung.
Enumeration Form hi Champhai leh Serchhip district-ahte zaa za sem zawh tawh a ni a, Aizawl district chhungah hian 95.09% sem chhuah tawh a ni.
Election hotute chuan SIR kalpuina kawngah BLO-ten Enumeration form an semna kawngah tun dinhmunah harsatna an tawk rih lo niin an sawi.