Aizawl: Zeng (Polio) hri danna HPV Vaccine-ah Mizoramin 99% a thleng thawkhat.
Ningani khan State Task Force for Immunization chu SAD Second Floor Hall I-ah Health & Family Welfare Commissioner & Secretary K. Lalrinzuali hovin an thukhawm a. Kumin hmalakna hrang hrang leh July 1-a Mizorama National Immunization Day hman tur atana inruahmannate an thlirho.
Thutkhawmah hian India ram chu kum 2014 khan zeng hri um bo tawhna ram ni tawh mah se, zeng natna la hluarna Pakistan, Myanmar leh Bangladesh ten a hual avangin hri danna pek hi thlahthlam chi a nih loh thu tar lan a ni. National Immunization Day atana inbuatsaihna hnuaiah hian Mizoram chhungah chenna in 268,265 tlawh tawh niin, kum 5 hnuai lam naupang 1,02,823 hri danna pek tur chhinchiah an ni tawh.
Sorkar report-ah tar lan a nih danin, June 17, 2026 thleng khan Mizorama naupang 10,351 hnenah HPV Vaccine pek tum a nih zinga zaa 99 chu pek zawh a ni tawh a. Amaherawhchu, Serchhip, Lawngtlai leh Siaha district-ah erawh hri danna latu an tlem deuh tih tar lan a ni. Hri danna pekna kawnga harsatna awm hrang hrang zingah fur ruahtui vanga inkalpawh harsatna te leh dawt thu belhchian dawllo vanga hri danna hlauhna te an tar lang a ni.