Dan dik lova family pension la an awm nia hriain, endik hna sorkar in an thawk mek a, chief minister chuan hun tiam chhunga a dik lova late chu bansan ngam turin a hriattir.
Sorkar hian sum renchemte, inremchenna hrang hrangte kalpuiin, heng hmalakna kal zela ngaih theih hian family pension late an endik chho mek a, an hmalakna hian rah tha pawh a chhuah ngeiin a rinawm.
Kan ram hi a rethei a, zep chi pawh a ni lo. Dehchhuah kan nei lo a, sorkar laipui zem zena khawsa ve mai mai kan nihna chen hi a awm. Chuvang chuan tuna sorkar in dan dik lova pension late bansan ngam tura a hriattirna pawh hi zawm hlawh theih se a tha hle.
Nakinah buaina lohna turah kan buai lohna turin family pension late pawh lo in check tha se la, inenfiahna tha tak nen kan document te tilang ngam ila, hei hi ram mipuite thatna tur a ni tih i hre bawk ang u.
Sorkar hi a tul a nih chuan a che leh ngam mai dawn si a, kan kalphung fel lo lai awm thinte hi kalphung thar hmang hian min siamtha lehzual telh telh teh se, a thena nisa a, a thena ruahsur tir erawh ti lo hram thei zel se a duhawm hle.