Aizawl: Central Prison & Correctional Home, Aizawl-ah Prison Ministry India (PMI), Mizoram Unit leh Aizawl Diocese Health Commission te tangkawp chuan Inrinni khan a thlawna damdawi inenkawlna (medical free clinic) an nei.
Free clinic-ah hian doctor leh mi mal tlawmngaite thawh khawm damdawite a thlawna sem nghal an ni a. Orthopaedic, medicine, eye leh dental lam specialist doctor pariat ten jail tang 500 vel an en a. Volunteer Nurse te, PMI Mizoram Unit leh Commission atanga kal tlawmngai ten doctor-te hi an pui bawk.
Prison hotute thahnemngaihna avangin chhun lock-up hmain clinic hi tan niin, tlai lam dar 4 velah zawh a ni.
July 18, 2026 khan Central Women’s Prison & Correctional Home, Aizawl-ah hmeichhe lam doctor leh Medicine doctor-te hmangin Free Clinic hi lo neih a lo ni tawh bawk.