Zai hmanga inelna lian, khawvel huapa thawm nei lian tak The Voice Season 30-na chu September 21, Thawhtanni atang khan tan niin, mipuite hlut a hlawh leh tan hle.
Tun Season-ah hian Queen Latifah, Adam Levine, Kelly Clarkson leh Riley Green te chu inelna endiktu niin, Coach hna an thawk nghal dawn bawk.
Kum 47 mi Levine chuan, kan inhmu leh thei ta hi ka lawm. In mi duhsakna zawng zawngah lawmthu kan sawi e, theihtawp kan chhuah ho leh dawn nia, a ti.
Kelly Clarkson, 37 pawhin lai thei ang bera endik leh kan tum dawn a, kan zavaiin hun tha tak i hmang ho ang u, a ti bawk.
Anni pahnih hi hun hmasa lama endik hna lo thawk tawh an ni a, Clarkson hian season 10 chhung endik hna thawk tawhin, Levine hian season 19 endiktu dinhmun a lo luah tawh bawk.
Hetih lai hian Queen Latifah leh Riley Green tan erawh endikna dawhkan an luah vawikhatna tur ve ve niin, an theihtawp chhuah an tum thu an sawi ve bawk a; The Voice Season 30-na hian thlirtu a ngah nghal hle a ni.