Britney Spears fapa naupang zawk Jayden James chuan tunhnai khan interview pakhatah zawhna a dawn tam ber leh nin ber thin sawichhuakin, a nu avanga lar zui ta anga ngai an tam chu a duh lo hle niin a sawichhuak a, mi pakhat, theihtawp chhuah ve thin niin sawi thin se a duh thu a sawi.
Britney Spears leh Kevin Federline te fapa naupang zawng, kum 19 mi chuan mi tam tak chuan rinhlelhna nei ang maiin zawhna min zawt chamchi thin a, a nu avanga hriat hlawh nih phah anga zawttu an tam thin chu a nin thu sawiin, mi pakhat nih ve mai a, theihtawpa hlawhtlin tuma bei ve thin niin hria se a duh tih a sawi a ni.
Spears leh Federline te hian Jayden bakah hian a u Sean Preston, kum 20 mi an nei bawk a, an unau hian modeling lama kalchhoh tumin an inbuatsaih chho nasa hle a, sawmtu pawh an nei nak nak tan a ni.
Kumin nipui tir lamah khan Paris Men’s Fashion Week-ah Jayden leh Preston te hi rawn inlan ve in, Jayden chuan an unaua an theihtawpa fashion luhchilh tuma an beih ve thin thu a sawi a, keichuan theihtawp ka chhuah zel dawn a, Preston ai hian ka tha zawk mai thei, tia nui chunga sawiin, engtikah emaw chuan hlawhtlinna kan neih dun ngei chu ka beisei a ni, a ti.
An unau hian an nu BS-i hi an pawh em em a, han talhiar leh deuh thin mahse an theihtawpa kawng dik a zawhna tura an beih thin thu sawiin, music leh thildangah nasa zawka la tel chhoh zel an tum thu a sawi bawk.