Aizawl: Larsap General (Dr) Vijay Kumar Singh chuan Ningani khan Lianchhiari Run, Aizawlah Mizo National Army (MNA) member hlui C. Zama lehkhabu sap tawnga ziah “The Escape” tih chu khuallian niin a tlangzarh.
He huna thu sawiin larsap chuan thangtharte hriat atana Mizo chanchina thil thleng pawimawhte ziaka dah zel a tul thu leh hun a kal zelah hetiang lehkhabute hi an hlu zual dawn tih a sawi a. Ram buaiin a chim hnuah Mizoram chu state ralmuang leh ziak leh chhiar thiamna sang tak nei a nih tak thu sawiin, hmasawn zel turin mahni awm hmun atanga chet chhuah leh midangte nena zir zel a tul thu a sawi bawk.
“The Escape” tih lehkhabuah hian Mizoramin zalenna a sual hun lai kum 1966 atanga 1986 inkara thil thleng leh tawnhriat hrang hrangte tar lan a ni a, phek 174 a chhah niin bu khat hi Rs 200 man a ni.